پیپلز پارٹی بیساکھیوں کے سہارے نہیں عوامی طاقت سے برسراقتدار آئی ہے،وزیر اعظم گیلانی

نارووال......وزیر اعظم سید یوسف رضا گیلانی نے کہا ہے کہ پاکستان پیپلز پارٹی بیساکھیوں کے ذریعے نہیں بلکہ عوامی طاقت سے برسراقتدار آئی ہے،موجودہ حکومت نے گلگت ، بلتستان اور خیبر پختونخوا سمیت ان علاقوںکے لوگوں کو شناخت دی ہے جو 100سال سے شناخت کا مطالبہ کر رہے تھا، سرائیکی عوام کو شناخت بھی پاکستان پیپلز پارٹی ہی دے گی، لانگ مارچ کرنے والوںکو سوچنا چاہئے کہ وفاق ، آزاد کشمیر سمیت چارصوبوں میں پاکستان پیپلز پارٹی کی حکومت ہے، لانگ مارچ کرنے کی باتیں کرنے والوں کو لانگ مارچ اس وقت کرنا چاہئے تھا جب ملک میں آمریت تھی مگر یہ لوگ معاہدہ کر کے ملک سے باہر چلے گئے، اگر کوئی آئین کی پاسداری کر سکتاہے تو وہ پاکستان پیپلز پارٹی ہی ہے، پاکستان پیپلز پارٹی نے آمر کا مسخ شدہ آئین اصل حالت میں بحال کیا ،پاکستان پیپلز پارٹی نظریاتی لوگوں کی جماعت ہے۔