Ads (728x90)

یصل آباد نومنتخب صدر پاکستان تحریک انصاف یوتھ ونگ پنجاب ابرارالحق نے کہا کہ ہے زرداری اور نواز سمجھوتہ ٹرین زیادہ دیر تک نہیں چل سکے گی ۔زرداری اورشریف برادران سے قوم کی ایک ایک پائی وصول کرکے حقیقی انصاف کی بنیاد رکھی جائے گی ۔وہ بدھ کوتحریک انصاف فیصل آباد کے سٹی صدر لطیف نذیر اور نائب صدر شہزاد یونس شیخ سے گفتگو کررہے تھے ۔ اس موقع پر شہزاد یونس شیخ اور لطیف نذر نے انہیں یوتھ لیگ پنجاب کا صدر بننے پر مبارکباد دی اور توقع ظاہر کی کہ وہ تحریک انصاف تحریک کو مزید فعال بنانے میں اپنی بھر پور کوششیں جاری رکھیں گے ۔ ابرار الحق نے کہا ہے کہ مجھ پر قائد عمران خاں نے جو بھاری ذمہ داری عائد کی ہے انشااﷲ اسے بطریق احسن انجام دونگا۔انہوں نے مزید کہا کہ موجودہ حکمرانوں نے ملک کووقوم کو تباہی وبربادی کے دہانے پر لاکھڑا کیا ہے غربت بھوک افلاس ،مہنگائی ،لوڈشیڈنگ ،پٹرولیم مصنوعات کی قیمتوں میں اضافہ حکمرانوں کی عوام کو سوغات ہے ،عوام کے پیسوں پر عیاشی کرنے والوں کے احتساب کا وقت آگیااب پاکستان کو آزاد کرانا ہوگا تاکہ یہ کسی ملک کی غلامی نہ کرے، گزشتہ چارسال میںموجود حکمرانوں نے جتنی کرپشن کی اس کی ملکی تاریخ میں کہےں مثال نہےں ملتی ،ملک میں آج کل دو بھائیوں کا قبضہ ہے دونوں اوپر سے نورا کشتی کرتے ہیں لیکن اندر سے بھائی بھائی ہیں۔انہوں نے کہا کہ حکمرانوں نے چار سال میں کچھ بھی نہیں کیا بلکہ عوام دہشتگردی اورمہنگائی کاتحفہ دیا ہے دونوں بڑی جماعتےں جمہوریت کے نام پر ملک وقوم کو لوٹ رہی ہےں ،انہوں نے کہاکہ عمران خان نیا پاکستان بنانے جارہے ہیں جو قائد اعظم محمد علی جناح کا پاکستان تھا ایسا پاکستان بنائیں گے کہ بیرون ملک سے لوگ پاکستان آکر نوکریاں اورملازمتیں تلاش کرینگے انہوں نے کہا کہ پاکستان قدرت سے خزانوں سے مالا مال ملک ہے مگرےہاں عدل وانصاف نام کی کوئی چیز نہیں جس ملک اورمعاشرے میں عدل وانصاف نہ ہو وہ تباہ وبرباد ہوجاتے ہیں انہوں نے کہا کہ تحریک انصاف کے سونامی کو کوئی نہیں روک سکتا اب سونامی حکمرانوں کو بہاکرلے جائیگا ۔

ایک تبصرہ شائع کریں