حکومت کے پاس کوئی پروگرام نہیں ،ہم سفید پوشوں کو اکٹھا کر رہے ہیں،چوہدری دانیال عزیز

اٹک......پڑھے لکھے نو جوانوں کے لیے کسی حکومت کے پاس کوئی پروگرام نہیں ہم سفید پوشوں کو اکٹھا کر رہے ہیں تاکہ غربت میں پسے لوگ آسانی سے سانس لے سکیں ان خیا لات کا اظہار چیئرمین جیوے پاکستان جیوے مقامی حکومت چوہدری دانیال عزیزنے سابق نائب تحصیل ناظم ، چیئرمین پی پی 15 لوکل کونسل ایسوسی ایشن تحصیل اٹک شیخ محمود الہیٰ کی رہائش گا ہ پر سابق ناظمین ، نائب ناظمین ،کونسلران اور خواتین کونسلران کے علاوہ معززین علاقہ کے بڑے اجتماع سے خطاب کرتے ہوئے کیا تقریب سے سابق نائب ناظم حاجی محمد اکرم خان ، سابق کونسلر ملک جاوید اور میزبان شیخ محمود الہیٰ نے خطاب کیا دانیال عزیز نے بتا یا کہ ہر یونین کونسل کی سطح سے تحصیل ، ضلع اور ڈویژن کی سطح تک جیوے پاکستان جیوے مقامی حکومت کی سو رکنی ایگزیکٹو باڈی 17 ڈیلی گیٹ ، 3 رکنی کمیٹی اور 5 پانچ رکنی باڈیاں با قاعدہ طور پر انتخا بات کرا کے بنوا ئی گئیں ہیں عوام کو سب سے زیادہ مشکلات مہنگائی اور بے روز گاری کی وجہ سے ہیں ہم کسی کے خلاف نہ ہیں صر ف عوام کے حق میں ہیں ان کے بنیادی حقوق کی راہ میں جو بھی رکاوٹ آئے گی ہم اس کے خلاف ہیں سندھ میں کا میابی سے بذریعہ عد الت بحالی کی جد و جہد کی فیصلہ عوام کے حق میں ہوا حکومت سپریم کورٹ میں چلی گئی مگر و ہاں اسے توہین عد الت کا سامنا کرنا پڑا ہم نے ہر صوبہ میں کا میابی حاصل کی پاکستان مسلم لیگ (ن) نے سازش کر کے عوامی اختیارات کو کم کرنے کا بل راتوں رات پاس کروایا اور ابھی ایک کمیٹی اس پر کام کر رہی ہے آج کل ہر بندہ اپنی ذات ،برادری، گروپ اور سیاسی پارٹیوں کے ناطے مختلف حلقوں میں پھنسا ہوا ہے ہم نے 1132 حلقے بنا کر ان د ھڑابندیوں کو ختم کیا یہی وجہ ہے کہ 2001 اور 2005کے انتخا بات میں کوئی خون خرابہ نہ ہوا آج کسی حکومت کو مہنگائی اور بے روز گاری کی کوئی فکر نہیں،نہ ہی بے نظیر انکم سپورٹ یا 2 روپے کی روٹی کا پروگرام مہنگائی اور غربت کو ختم کرسکتا ہے ہزار روپے کی وقعت آج اڑھائی سو روپے رہ گئی اور اڑھائی سو روپے میں نہ تو غریب کا چو لہا جلتا ہے اور نہ اسکے بقیہ اخر ا جات پورے ہوتے ہیں آج تمام بنکوں سے رقم نکلوا کر لاہور اور وہاں سے دبئی وغیرہ بھجوائی جا رہی ہیں جہاں بڑی پہنچ والے لوگ اپنے لیے بنگلہ جات خرید رہے ہیں جو کہ قوم کی بر بادی ہے اور ان حا لات میں میری آپ سب سے گزارش ہے کہ ہاتھوں میں ہاتھ دیکر اپنے لیے اکھٹے ہو جائیں اور سامراجی قوتوں کو شکست فاش دیں سابق ناظمین ، نائب نا ظمین ، کونسلران اور خواتین کونسلران نے مقامی حکومتوں کی جد و جہد میں بھر پور ساتھ دینے کا اعلان ہاتھ اٹھا کر کیا اور مکمل تعاون کی یقین دہانی کرائی ۔