بھوت پریت اور جادو ٹونے کے اسیر صرف پس ماندہ ملکوں کے عوام ہی نہیں بلکہ اس لعنت میں امریکا جیسے ترقی یافتہ ملک کے عوام بھی بکثر مبتلا ہیں۔
آسکر ایوارڈ یافتہ امریکی اداکار مورگن فری مین کی سوتیلی نواسی اپنے توہم پرست بوائے فرینڈ کے ہاتھوں نے نیویارک میں ہلاک ہو گئی۔
حکام کے حوالے سے امریکی میڈیا رپورٹس کی میں بتایا گیا ہے کہ 33 سالہ ای ڈینا ہائنز اتوار کو علی الصباح شدید زخمی حالت میں مین ہٹن سٹریٹ سے ملیں۔ انہیں بعد میں ہسپتال لے جایا گیا، جہاں ان کی موت کی تصدیق ہوئی۔
واقعے کے ایک عینی شاہد جورج ہوڈیکو کے بقول "آنجہانی ہائنز کے دوست اس پر چھرا کے وار کرتے ہوئے چلا رہا تھا کہ 'شیطان جن، تمھیں مسیح علیہ السلام کا واسطہ، تم میری دوست کا پیچھا چھوڑ کر اس میں نکل کیوں نہیں جاتے۔"
پولیس نے امریکی اخبار 'نیویارک ٹائمز' کو بتایا کہ آنجہانی کے دوست بتائے جانے والے تیس سالہ شخص کو گرفتار کر کے نفسیاتی تجزیئے کے لئے ہسپتال بھجوا دیا گیا ہے۔
'دی ٹائمز' کے مطابق اگرچہ مقتولہ کی نانی کا واقعہ سے براہ راست تعلق نہیں تاہم یہ امر اپنی جگہ حقیقت ہے کہ وہ ایک وقت فری میں کی زوجیت میں رہ چکی ہیں۔
مقتولہ ہائنز اسی سال مارچ میں جاری ہونے والی فلم '5 فلائٹس اپ' میں ریسپشینسٹ کا کردار ادا کیا، اسی فلم میں مورگن فری مین نے بھی اداکاری کے جوہر دکھائے۔
سماجی رابطے کی ویب سائٹ فیس بک پر اپنی ایک پوسٹ میں فری مین نے ہائنز کی وفات کو 'خوفناک اور نامعقول' قرار دیا تھا۔
فری مین کے عوامی رابطوں کے نگران کی طرف سے جاری ہونے والے بیان کے مطابق: "دنیا آنجہانی کی فنکارانہ صلاحتیوں کے بارے میں کبھی نہیں پائے گی کہ وہ کس قدر کردار ادا کر سکتی تھی۔"
فری مین ڈھیروں فلموں اور ٹی وی شوز میں اداکاری کے باعث بین الاقوامی طور پر جانے جاتے ہیں۔ انہوں نے 2005 میں ہالی وڈ کی مشہور فلم 'ملین ڈالر بےبی' میں بہترین معاون اداکار کی کیٹگری میں آسکر ایوارڈ اپنے نام کیا تھا۔
تحریر کے بارے میں اپنی رائے بھیجیں