Ads (728x90)

اوٹاوا: ماہرین کی جدید تحقیق کے مطابق باحجاب خواتین دیگر کے مقابلے میں اپنی جسمانی شبیہہ سے زیادہ مطمئن ہوتی ہیں۔
بین الاقوامی جریدے ’’جرنل باڈی امیج‘‘ میں شائع ہونے والی تحقیق کے مطابق کینیڈا میں بسنے والے مسلم تارکین وطن کی دوسری نسل سے تعلق رکھنے والی 143 خواتین کے روز مرہ معمولات اوران کے لباس کا جائزہ لیا اور اس کے ذریعے ان کی ظاہری شبیہہ پر اطمینان اورمغربی ثقافت کی قبولیت کے درمیان تعلق سمجھنے کی کوشش کی۔ تحقیق میں یہ بات سامنے آئی کہ وہ مسلم خواتین کو روزمرہ زندگی میں حجاب لیتی تھی ان پرمغرب میں رائج خوبصورتی کے معیار کے لیے دباؤ کم تھا۔ اس کے علاوہ ایسی خواتین جنہوں نے مغربی اقدار کو زیادہ اپنایا تھا ان میں خوبصورتی کے معیار کے حوالے سے زیادہ دباؤ تھا۔

اسی طرح برطانوی ماہرین نفسیات کی ایک ٹیم نے بھی 600 مسلمان خواتین سے سوالات کئے۔ جس سے ظاہر ہوا کہ باحجاب طرز زندگی اپنانے والی خواتین اپنی جسمانی شبیہہ سے مطمئن تھیں۔ ان میں دبلے ہونے یا موٹا ہونے کا خوف کم تھا۔ تحقیق کی رو سے ماہرین نفسیات اس نتیجے پر پہنچے کہ خوبصورتی سے زیادہ اخلاقی اعتقادات اور روحانی نظریات پردھیان دینے سے انسان کو ممکنہ طورپرسطحی خدشات کو کم کرنے میں مدد مل سکتی ہے۔

ایک تبصرہ شائع کریں