بالی ووڈ کے کئی لوگ میری کامیابیوں سے جلتے ہیں، کنگنا رناوت

ممبئی: بالی ووڈ کوئین کنگنا رناوت کا کہنا ہے کہ فلم نگری سے جڑے کئی لوگ ان کی شہرت سے جلتے ہیں اس لئے وہ مسلسل نشانہ بنارہے ہیں۔ 

بھارتی میڈیا کو دیئے گئے انٹرویو میں بالی ووڈ کوئن کا کہنا تھا کہ بھارتی فلم نگری میں قدم جمانا آسان نہیں،یہاں بہت مقابلے بازی ہوتی ہے اورلوگ دوسروں کو نیچا دکھانے کے لئے کوئی بھی قدم اٹھانے پرتیار ہوتے ہیں، میں 10 سال سے محنت کر رہی ہوں کیونکہ اب اس کرئیر کے علاوہ میرے پاس کوئی دوسرا راستہ بھی نہیں ہے۔

کنگنا رناوت کا کہنا تھا کہ بالی ووڈ میں مجھ سے کئی لوگ جلتے ہیں اور وہ میری کامیابیوں اور زیر تکمیل فلموں کو نشانہ بنارہے ہیں۔ وہ فلم نگری میں اس مقام پر پہنچنا چاہتی ہیں جہاں پہنچنے کے بعد کوئی انہیں آسانی سے اپنا ہدف نہ بناسکے، اس کے لئے وہ بہت محنت کررہی ہیں، انہیں یقین ہے کہ وہ جلد ہی اپنا مقام بنا لیں گی۔

واضح ر ہے کہ اداکارہ نے متعدد بلاک بسٹر فلمیں دی ہیں جو 100 کروڑکے کلب میں داخل ہوئی ہیں۔