Ads (728x90)

شکر گڑھ10مارچ۲۰۱۰ء (بڑا پنڈنیوز)لاہور ماڈل ٹاﺅن خود کش دھماکہ میں شہید ہونے والے حساس ادارہ کے اہلکار محمد عارف کو اس کے آبائی گاﺅں نٹلاہ خوردمیں ہزاروں سوگواروں کی موجودگی میں پورے محکمانہ اعزاز کے ساتھ سپرد خاک کردیا گیا۔ نماز جنازہ میں پاک آرمی کے افسران جوانوں کے علاوہ معززین علاقہ کی کثیر تعداد نے شرکت کی۔ اس موقع پر مسلم لیگ (ن) کے مرکزی رہنما اصغر علی چودھری نے صحافیوں سے گفتگو کرتے ہوئے کہا کہ محمدعارف کی شہادت تحصیل شکرگڑھ کیلئے بہت بڑا اعزاز ہے۔ وطن عزیز کی حفاظت کے لئے جان کا نذرانہ دینے والے لوگ باعث افتخار ہیں۔ شہید کے والد میاں محمد ناظر نے کہا کہ مجھے اس بات پر فخر ہے کہ میرے بیٹے نے قوم اور ملک کے لئے اپنی جان کا نذرانہ پیش کیا۔ شہید نے اپنے سوگواروں میں والدین کے علاوہ بیوہ اور تین بچے چھوڑے ہیں۔

ایک تبصرہ شائع کریں