ممبئی پاکستانی علاقے شکر گڑھ میںپیدا ہونیوالے بالی وڈ کے مشہور فنکار دیو آنند کی گزشتہ روز نواسی ویں سالگرہ منائی گئی ان کااصل نام دھرم دیو پشوری مل آنند تھا گورنمنٹ کالج لاہور سے انگریزی ادب میں ایم اے کیا تعلیم مکمل ہوئی تو دیو آنند نے1946ئ میں ممبئی کی فلمی دنیا کا رخ کیا، دیو آنند نے چھے عشروں تک فلم انڈسٹری میں بحیثیت اداکار، رائٹر، پروڈیوسر اورہدایتکار خوب شہرت کمائی، ان کی ہٹ فلموں گائیڈ ، ہیرا لال پنا لال، تیرے میرے سپنے اور کالا پانی کے گانے بھی آج بھی فلم بینوں کے ذہنوں میں نقش ہیں دیو آنند کو تین مرتبہ فلم فیئر ایوارڈ دیاگیا۔1954ئ میں دیو آنند نے اداکارہ کلپنا کارتیک سے شادی کرلی ان کی ایک بیٹی اور ایک بیٹا ہے 2001ئ میں بھارتی حکومت نے دیو آنند کو پدما بھوشن اور2002ئ میں داداد صاحب پھالکے ایوارڈ سے نوازا ایک طویل عرصے تک سلور سکرین پر چلبلے اور منفر د کردار کرنیوالا یہ فنکار تین دسمبر دو ہزار گیارہ کو لندن میں اٹھاسی برس کی عمر میں چل بسا ۔
تحریر کے بارے میں اپنی رائے بھیجیں