شکرگڑھ: خاوند کا بہنوں سے مل کر بیوی پر تشدد، سر کے بال مونڈ دئیے

شکرگڑھ (بڑاپنڈ نیوز) تھانہ چک امرو کے سرحدی گائوں میں خاوند کا بہنوں سے ملکر بیوی پر تشدد، سر کے بال مونڈ دئیے۔ لڑکی کے والد اور والدہ نے میڈیا سے گفتگو کرتے کہا ملزمان کے خلاف سخت کارروائی عمل میں لائی جائے ورنہ ہم خودسوزی کر لیں گے۔ موضع چکوال سلہریاں کے یونس کی بیٹی فرح کی شادی 2 سال قبل چک جمیل سلیائیں میں منظور احمد کے ساتھ ہوئی تھی اس کے خاوند اور نندوں کا فرح کے ساتھ ناروا رویہ تھا۔ یونس اپنی بیٹی فرح کے گھر سسرال ملنے گیا تو اسکی حالت دیکھ کر پریشان ہو گیا۔ اس کے والد نے کہا میں اسے اپنے ساتھ لے جانا چاہتا ہوں خاوند نے کہا میں اسے نہیں جانے دوں گا۔ بعدازاں وہ آگیا، ظلم کا پہاڑ توڑ دیا اس کے سر کے بال مونڈ دئیے اسے بیہمانہ تشدد کا نشانہ بھی بناتے رہے اس کے جسم پر تشدد کے نشانات پائے گئے ہیں فرح کی والدہ اور والد نے سول ہسپتال شکرگڑھ میں میڈیا کو بتایا وزیراعلیٰ شہباز شریف ہمیں تحفظ دلائیں ہمیں انصاف چاہئے، خواتین میں غم و غصہ کی لہر دوڑ گئی ہے۔