لاہور(رپورٹ،محمد حامد فاروق)وطن کی خاطر اپنی جان نچھاور کرنے والےبڑا پنڈ، جرپال کے عظیم سپوت نائیک مبارک علی شہید کا آج یوم شہادت ہے، نائیک مبارک علی شہید 3جولائی 2007 کو اسلام آباد آپریشن میں شہید ہوگئے تھے، بڑاپنڈ اور جرپال کی سرزمین کے باسیوں نے 1971کی جنگ کے دوران پاک فوج کے شانہ بشانہ لڑ کر دشمن کو پسپا کردیا تھا اسی مٹی سے 1970میں جنم لینے والے مبارک علی نے اپنے آباؤاجداد کی روایت پر عمل کرتے ہوئے سینے پر گولی کھائی اورہمیشہ کے لیے امر ہوگئے
, 3جولائی 2007 کو نائیک مبارک علی شہیدکواسلام آبادمیں امن ومان برقراررکھنے کے لیے مشن سونپا گیاوہ ڈی آئی جی رینجرز کے ساتھ اپنے فرائض منصبی ادا کررہے تھے کہ وہ گولی کا نشانہ بن گئے جو ان کے سینے میں لگی، انھیں فوری طور پر پولی کلینک اسلام آباد پہنچایا گیا جہاں وہ اپنے رب کے حضور پیش ہوگئے، اس موقع پر ان کے ساتھی شدت غم سے نڈھال تھے، نائیک مبارک علی کے دو صاحبزادے اور ایک بیٹی ہے، انھیں پورے فوجی اعزاز کے ساتھ سپرد خاک کیا گیا،
دریں اثنا بڑا پنڈ نیوز سے پات چیت کرتے ہوئے نائیک مبارک علی شہیدکے صاحبزادےعرفان علی آرائیں نے بتایا کہ نائیک مبارک علی شہیدکا یوم شہادت منانے کے لیے ان کا خاندان آج جرپال میں موجود ہے اس موقع پر شہید کی روح کے ایصال ثواب کے لیے قرآن خوانی اور نیاز کا اہتمام کیا گیا ہے، عرفان علی آرائیں نے کہا کہ جب والد محترم میرے سینے سے لگتے تھے تو میں خود کو بہت بہادر محسوس کرتا تھا، انھوں نے اس موقع پر عوام سے اپیل کی وطن کے بہادر بیٹے نائیک مبارک علی شہید کی مغفرت کے لیے دعا کریں اللہ تعالی ان کی شہادت قبول کرے اور انھیں جنت الفردوس میں اعلی مقام عطافرمائے، آمین
تحریر کے بارے میں اپنی رائے بھیجیں